“Araz-Naxçıvan”ın zədəli futbolçularının durumu

“Araz-Naxçıvan”ın zədəli futbolçularının durumuna aydınlıq gəlib.

"Football-plus.az" xəbər verir ki, Misli premyer-liqasının 33-cü turu çərçivəsində sabah “Sabah”la qarşılaşacaq komanda bu gün oyunöncəsi son məşqini keçirib. Zədəli futbolçulardan Sezar Meza Kolli kollektiv məşqlərdə iştirak etsə də, Ramin Nəsirli fiziki hazırlıq üzrə məşqçinin nəzarəti altında çalışmalarla kifayətlənib.

Qeyd edək ki, “Araz-Naxçıvan” – “Sabah” oyunu “Liv Bona Dea Arena”da keçiriləcək və stadiona giriş biletsiz olacaq.