"Əlqərəz. Koçaryan və Balasanyanın fəallaşması, Ermənistanın daxili siyasətinin yaxın 2 ildə gərgin keçəcəyinə dəlalət edir. Tezliklə seçkilərin yaxınlaşdığını nəzərə alsaq Rusiyanın vurğu edəcəyi siyasətçinin kim olacağı Ermənistan daxilində intriqanı artırır. Ermənistan daxilində Paşinyana dəstək daha çox olsa da, sirr deyil ki, xarici qüvvə amili zəif dövlətçiliyi olan cəmiyyətlərdə vacib faktorlardandır. Erməni cəmiyyəti, Koçaryan və Sarkisyanın hakimiyyət dövründəki mənfi təcrübələrini unutmamışdır və bu fiqurlara qarşı etimadsızlıq mövcuddur. Lakin, Qarabağ ermənilərinin əksəriyyəti ilə bağlı sorğular aparılmamışdır.
Robert Koçaryan, 2025-ci ildə Ermənistanın sabiq prezidenti olaraq, ölkənin daxili siyasətində aktivliyini artırmışdır. Onun fəallaşması, xüsusilə Nikol Paşinyanın rəhbərliyi ilə əlaqədar müxalifət mövqeyinin gücləndirilməsi məqsədini güdür. Koçaryan, Paşinyanın rəhbərliyini tənqid edərək, ölkənin təhlükəsizlik və iqtisadiyyat sahələrindəki problemləri gündəmə gətirir. Bu fəallaşma, Ermənistanın siyasi mənzərəsində yeni müxalifət hərəkatlarının yaranmasına səbəb ola bilər.
Rusiya və Ukrayna arasında bu il müharibənin bitəcəyi ehtimalının yüksəkliyi fonunda Ermənistanda vəziyyətin gərginləşəcəyinə heç bir şübhə yoxdur. Bu isə avtomatik Bakı və İrəvan arasındakı danışıqlara da təsir edəcək. Vaxt daralır".
