Pakistanın müdafiə naziri Xavaca Asif ölkəsi ilə Hindistan arasında 2-4 gün ərzində müharibənin başlaya biləcəyini açıqlayıb.
Modern.az xəbər verir ki, bu barədə Pakistanın “Dawn” qəzeti məlumat yayıb.
"Biz üfüqdə müharibənin yaxınlaşdığı faktına zehni olaraq hazır olmalıyıq. Müharibənin yaxın iki, üç və ya dörd gündə başlaya biləcəyinə dair çox real ehtimal var", - deyə nazir vurğulayıb.
O, ölkəsinin suverenliyinə təhlükə yaranacağı və ya hərbi embarqo tətbiq olunacağı təqdirdə Pakistanın istənilən hərbi əməliyyata 100 faiz hazır olduğunu diqqətə çatdırıb.
