Bu gün futbol üzrə İngiltərə Federasiya Kubokunda 2024/2025-ci illər mövsümünün yarımfinal mərhələsinə yekun vurulub.
Arena.az xəbər verir ki, ikinci oyun günündə də bir qarşılaşma baş tutub.
Sonuncu finalçı “Nottingem Forest” – “Mançester Siti” matçında müəyyənləşib. Mançester təmsilçisi səfərdə 2 cavabsız qolla qalib gələrək həlledici oyunda iştirak hüququ qazanıb.
Daha öncə “Kristal Pelas” da “Aston Villa”nı 3 cavabsız qolla yenərək finala yüksəlmişdi.
Beləliklə, İngiltərə Federasiya Kubokunda 2024/2025-ci illər mövsümünün qalibi mayın 17-də keçiriləcək final görüşündə müəyyənləşəcək. Həmin həlledici oyunda “Mançester Siti” “Kristal Pelas”la üz-üzə gələcək.
İngiltərə Federasiya Kuboku
Yarımfinal
26 aprel
Kristal Pelas – Aston Villa 3:0
Qollar: Eze, 31. Sarr, 58; 90+4.
27 aprel
Nottingem Forest – Mançester Siti 0:2
Qollar: R.Lyuis, 2. Qvardiol, 51.
