Bu gün futbol üzrə İngiltərə çempionatında (Premyer Liqa) 2024/2025-ci illər mövsümünün 34-cü turunun növbəti oyunları keçirilib.
Arena.az xəbər verir ki, dördüncü oyun günündə iki qarşılaşma baş tutub.
“Bornmut” – “Mançester Yunayted” matçında komandalar hərəyə 1 qol və 1 xalla kifayətləniblər. “Liverpul” isə evdə “Tottenhem”ə böyük hesabla qalib gəlib. Nəticədə xallarının sayını 82-yə çatdıran “qırmızılar” sona 4 tur qalmış əsas izləyicisi “Arsenal” (67 xal) üçün əlçatmaza çevrilib və çempionluğunu rəsmiləşdirib. Bu, “Liverpul”un tarixindəki 20-ci İngiltərə çempionluğudur.
Qeyd edək ki, Premyer Liqanın 34-cü turuna mayın 1-də keçiriləcək “Nottingem Forest” – “Brentford” oyunu ilə yekun vurulacaq.
İngiltərə, Premyer Liqa
34-cü tur
22 aprel
Mançester Siti – Aston Villa 2:1
Qollar: B.Silva, 7. M.Nunyes, 90+4 – Raşford, 18-pen.
23 aprel
Arsenal – Kristal Pelas 2:2
Qollar: Kivyor, 3. Trossard, 42 – Eze, 27. Mateta, 83.
26 aprel
Çelsi – Everton 1:0
Qol: N.Cekson, 27.
Brayton – Vest Hem 3:2
Qollar: Ayari, 13. Mitoma, 89. Baleba, 90+2 – M.Kudus, 48. Souçek, 83.
Nyukasl – İpsviç Taun 3:0
Qollar: A.İsak, 45+4-pen. Börn, 56. Osula, 80.
Sauthempton – Fulhem 1:2
Qollar: Stefens, 14 – S.Rou, 72. Sessenyon, 90+2.
Vulverhemtpon – Lester Siti 3:0
Qollar: Kunya, 33. Larsen, 56. R.Qomes, 85.
27 aprel
Bornmut – Mançester Yunayted 1:1
Qollar: Semenyo, 23 – Hoylund, 90+6.
Liverpul – Tottenhem 5:1
Qollar: L.Dias, 16. Makallister, 24. Qakpo, 34. Salah, 63. Udoqi, 69-öz qapısına – Solanke, 12.
1 may
22:30. Nottingem Forest – Brentford
