Azərbaycan Premyer Liqasında 32-ci turun oyunları keçirilir.
“Qafqazinfo” xəbər verir ki, bu gün daha 2 oyun baş tutacaq.
Öncə “Səbail”lə “Araz-Naxçıvan” üz-üzə gələcəklər. Günün daha çox maraq doğuran oyununda isə “Sabah” lider “Qarabağ”ı qəbul edəcək.
76 xalla turnir cədvəlinə başçılıq edən Ağdam təmsilçisi bu oyunda məğlub olmayacağı təqdirdə qızıl medalları vaxtından əvvəl özü üçün təmin edəcək.
Daha öncə keçirilmiş “Turan Tovuz” – “Şamaxı” matçında qalib müəyyənləşməyib (1:1), “Kəpəz” isə “Zirə”yə uduzub – 0:1. Tura sabah keçiriləcək “Sumqayıt” – “Neftçi” oyunu ilə yekun vurulacaq.
"Cebheinfo.az"