ABŞ prezidenti Donald Tramp Ağ Evə gələn Cənubi Afrika Respublikasının prezidenti Siril Ramafosa ilə görüşüb.
"Unikal" xəbər verir ki, görüş zamanı Tramp Ukrayna prezidenti Volodimir Zelenskidən danışıb.
“Zelenskiyə zəng etdim, dedilər ki, o, Cənubi Afrikadadır. Dedim, onun Cənubi Afrikada nə işi var? Qəribədir", - deyə Tramp bildirib.
Cənubi Afrika hökuməti Ramaphosanın ABŞ-yə səfərinin əsas məqsədinin "ikitərəfli, iqtisadi və ticarət əlaqələrinin yenidən müəyyən edilməsi" olduğunu bildirib.
Trampın fevral ayında ağ azlıq əhalisinə qarşı pis rəftar iddialarına görə Cənubi Afrikaya yardımı dondurmasından sonra iki ölkə arasında münasibətlər gərginləşib. Mart ayında isə ABŞ Cənubi Afrika səfirini geri çağırıb.
