Norveçli yüngül atlet, Avropa çempionu Andrea Rut etiraf edib ki, o, corab və ya alt paltarı üçün 5000-200.000 kron ödəməyə hazır olan kişilərdən təkliflər alır.
Publika.az xəbər verir ki, bu barədə NRK.no məlumat yayıb.
“Hansısa əşyanı almaq üçün çoxlu təkliflər var. Məncə, bu iyrəncdir. Düşünürəm ki, insanların belə bir şey haqqında soruşması dəlilikdir.
200 minlik təklif var idi. Onlar corabdan və alt paltarından tutmuş yarış paltarına qədər hər şeyi istəyirlər”, – deyə o, jurnalistlərə gələn mesajları göstərib.
O əlavə edib ki, bütün hesablar saxta deyil, bəzən “canlı” səhifələrdən insanlar yazır.
