ABŞ Prezidenti Donald Tramp həqiqətən də Rusiya-Ukrayna müharibəsinin bitməsini istəyir, lakin Rusiya işğalının sərhədinin harda olması onu maraqlandırmır.
Axar.az xəbər verir ki, bu sözləri ABŞ Dövlət Departamentinin Ukrayna üzrə keçmiş xüsusi nümayəndəsi Kurt Volker deyib.
Onun sözlərinə görə, Amerika prezidenti müharibədə hər gün gənc insanların ölümünü qəbul edə bilmir:
"O, sadəcə olaraq bunun bitməsini istəyir. İşğal xəttinin harada olması, onun tanınıb-tanınmaması onun vecinə deyil. Sadəcə olaraq, daha bununla məşğul olmaq istəmir".
