İsrailin baş naziri Benyamin Netanyahu ölkənin ABŞ-dan hər il aldığı Amerika hərbi yardımı məsələsinə yenidən baxılmasının vacibliyini açıqlayıb.
Herbiand.az xəbər verir ki, İsrailin “Maariv” qəzetinin məlumatına görə, Nazirlər Kabinetinin rəhbəri bu barədə parlamentin xarici işlər və təhlükəsizlik komitəsinin qapalı iclasında bildirib.
Qəzet Netanyahunun sözlərini sitat gətirib: "Silahlara görə təxminən 4 milyard dollar alırıq. Düşünürəm ki, nə vaxtsa iqtisadi yardımdan yorulduğumuz kimi, nə vaxtsa bundan yorulacağıq".
İsrail Dövlət televiziyası baş nazirdən sitat gətirib: "Düşünürəm ki, biz Amerikadan təhlükəsizlik yardımı almağı dayandırmalı olacağıq".
Bir sıra İsrail mediası bu sözləri Netanyahu ilə ABŞ-ın keçmiş prezidenti Donald Tramp arasında münasibətlərin soyumasının əlaməti kimi şərh edir.
Xüsusilə, ABŞ-ın İranla danışıqlara başlaması, milli təhlükəsizlik üzrə müşaviri Mayk Uolsun vəzifəsindən uzaqlaşdırılması, həmçinin Vaşinqtonun Yəmən husiləri ilə atəşkəsə dəstək verməsi diqqət çəkir.
