ABŞ-da aparılan yeni elmi araşdırmalar gündəlik istifadə etdiyimiz kosmetik vasitələrin, xüsusilə şampun, losyon və saç düzləşdiricilərin tərkibində xərçəng riski yarada biləcək kimyəvi maddələrin olduğunu üzə çıxarıbAlimlər xəbərdarlıq edirlər ki, bu maddələrin bəziləri etiketlərdə belə qeyd edilmir. Metbuat.az xəbər verir ki, araşdırma ABŞ-da yerləşən Silent Spring İnstitutu tərəfindən aparılıb. Nəticələrə görə, qadınlar arasında populyar olan saç düzləşdiricilər, losyonlar, kirpik yapışdırıcıları və bədən yuma məhsulları daxil olmaqla 1100-dən çox fərdi qulluq vasitəsi təhlil edilib. Məlum olub ki, bu məhsulların əhəmiyyətli hissəsində formaldehid və ya formaldehid buraxan konservantlar mövcuddur.Tədqiqatın aparıcı müəllifi, ekspozisiya üzrə alim Dr. Robin Dodson bildirib ki, bu, yalnız saç düzləşdiricilərinə aid deyil. "Bu kimyəvi maddələr bədənimizin müxtəlif hissələrinə tətbiq etdiyimiz məhsullarda var. Təkrar və davamlı məruz qalma, zamanla ciddi sağlamlıq problemlərinə səbəb ola bilər."Tədqiqatda DMDM hidantoin adlı maddə ən geniş yayılmış formaldehid buraxan agent kimi müəyyən edilib. Bu kimyəvi maddə dəriyə qulluq məhsullarının 47%-də, saç baxım vasitələrinin isə 58%-də aşkarlanıb.Bu maddələr zamanla formaldehid buraxaraq orqanizmə zərər verə bilər. Lakin əksər hallarda bu, məhsulun etiketində açıq şəkildə göstərilmir.Bəzi məşhur şampun markalarında DMDM hidantoin adlı formaldehid buraxan qoruyucu maddə mövcuddur. Bu maddə kosmetik məhsullarda konservant kimi istifadə olunur və zamanla formaldehid buraxaraq məhsulun raf ömrünü uzadır. Lakin, bu maddənin uzun müddətə məruz qalma nəticəsində xərçəng riski yaratdığı bildirilir.

Şampun Markası	Məhsul Nümunələri
OGX (Organix)	Biotin & Kollagen, Arqan Yağı, Keratin Yağı
TRESemmé	Keratin Color Care
Dove	Klassik Təmizlik
Suave	Professionals Keratin Infusion
Bed Head	Moisture Maniac
Nexxus	Keraphix
Carol’s Daughter	Black Vanilla
VO5	Moisture Milks
Sun Bum	Şampun və Kondisioner

• Xərçəng
• Kimyəvi Maddələr
• Kosmetik
• Araşdırmalar
• Şampun