ABŞ prezidenti Donald Tramp sosial meda hesabında maraqlı patlaşım edib.
Bakıvaxtı.az-ın məlumatına görə, o, "Truth" hesabındakı paylaşımında mühüm xəbərləri açıqlayacağını bildirərək, əlavə edib ki, bu, onun "ən mühüm və təsirli yazılarından biri" olacaq.
ABŞ prezidentinin maraq doğuracağı mövzunun Amerika səhiyyə sistemi ilə bağlı imzalayacağı prezident fərmanı olduğu ortaya çıxıb. Tramp bu xoş xəbərin ölkəyə trilyonlarla dollar qənaət edəcəyini bildirib.
Sonrakı yazısında o, Amerika xalqının illərdir digər ölkələrə nisbətən dərmanlara təxminən 5-10 dəfə çox pul ödədiyinə diqqət çəkərək, ölkədə dərman qiymətlərinin aşağı salınmasını nəzərdə tutan prezident fərmanı imzalayacağını açıqlayıb.
Tramp reseptli dərmanların qiymətlərini qısa müddətdə 30%-dən 80%-ə endirməyi hədəflədiklərini qeyd edib. Onun sözlərinə görə, ABŞ vətəndaşları dərmanı dünyada ən aşağı qiymət ödəyən ölkə ilə eyni qiymətə alacaq.
Murad Məmmədli
