Azərbaycan Premyer Liqasında, Birinci Liqada, həmçinin İkinci Liqada “Ayın qolu” layihəsi üzrə aprel ayının qalibləri müəyyənləşib.
Arena.az xəbər verir ki, bu barədə Peşəkar Futbol Liqasının (PFL) mətbuat xidməti məlumat yayıb.
Azərbaycan Premyer Liqasında David Qomisin, Birinci Liqada İbrahim Əliyevin, İkinci Liqada isə Elgün Abbaslının qolları ən yaxşı seçilib.
Xatırladaq ki, İkinci Liqada keçirilən səsvermə zamanı 2 oyunçunun qolu 5 xal toplayıb. Belədə şərtlərə əsasən yekun qərar PFL tərəfindən verilib. Daxili səsvermənin nəticələrinə görə “Füzuli”dən Elgün Abbaslının qolu “Ayın qolu” seçilib.
