Çin lideri Si Szinpin Moskvaya səfəri zamanı Rusiya prezidenti Vladimir Putinlə "Rusiya-Çin hərtərəfli tərəfdaşlıq və strateji əməkdaşlıq münasibətlərinin daha da inkişaf etdirilməsi" barədə danışacaq. Bununla belə, ölkələr arasında mübahisəli məsələlər, xüsusən də Rusiyanın Şimali Koreya ilə əlaqələrini dərinləşdirməsi də olacaq.
HİT.az xəbər verir ki, bu barədə "The Telegraph" məlumat yayıb.
Məlumdur ki, Moskva və Pxenyan ötən il müdafiə müqaviləsi imzalayıb və bu, KXDR qoşunlarının Rusiya işğalçıları ilə yanaşı Ukraynaya qarşı vuruşmasına səbəb olub.
"The Telegraph" qeyd edir i, Şimali Koreya çoxdan Çinin "kiçik qardaşı" hesab olunurdu, ona görə də Rusiyanın tərəfinə keçmək həm siyasi, həm də hərbi baxımdan Pekinə zərbə olardı.
"Çin Rusiya və KXDR arasında hərbi əməkdaşlığın qeyri-şəffaf olmasından narahatdır, çünki bu, Şimali Koreyalılara öz ordusunu modernləşdirməyə kömək etsə, bu, onlara hər cür işi görmək imkanı verəcək", deyə Rusiya və Çində strateji siyasət üzrə ekspert Metyu Sasseks vurğulayıb.
Bundan əvvəl hərbi ekspert Mixail Jiroxov bildirib ki, Belqorod vilayətində Şimali Koreya qoşunları peyda olub, ona görə də hazırda orada vəziyyət çox ağırdır. Onun sözlərinə görə, hazırda Ukrayna qoşunlarının bu körpübaşını nə qədər saxlaya biləcəyi məlum deyil.
Ukrayna Silahlı Qüvvələri KXDR-in Ukraynaya qarşı müharibədə iştirakını niyə etiraf etdiyini də açıqlayıb. Ukrayna Silahlı Qüvvələri Quru Qoşunlarının Ehtiyatçılar Şurasının sədri İvan Timoçko hesab edir ki, belə bir qərar siyasidir və Şimali Koreya üçün müəyyən məna kəsb edir.
Samir
