“Neonasistlərə yardım edən Avropa ölkələri 1945-ci ildə Hitler Almaniyasının tarixinin necə başa çatdığını unutmamalıdırlar”.
Missiya.Az xəbər verir ki, bunu Rusiya Təhlükəsizlik Şurasının sədr müavini Dmitri Medvedyev özünün “X” sosial media hesabında yazıb.
O bildirib ki, biz dostların faşist Almaniyasının sarsıdıcı məğlubiyyətinin 80-ci ildönümünü qeyd etmək üçün bizə qoşulduğunu görməkdən məmnunuq.
“Bugünkü tif xəstəliyinə düçar olmuş neonasist bitlərinə kömək edən avropalıların bunu yadda saxlaması lazımdır”, - deyə Medvedev əlavə edib.
Onun sözlərinə görə, Avropa ölkələri açıq-aşkar iqtisadi və siyasi məsrəflərə baxmayaraq, Kiyevdəki neonasist rejimini pul, silah və kəşfiyyatla təmin edərək ardıcıl olaraq dəstəkləməkdə davam edir:
“Brüssel Rusiyaya döyüş meydanında strateji məğlubiyyət vermək və Ukrayna münaqişəsini Kiyevin maksimalist şərtləri ilə həll etmək kimi konsepsiyaya sadiqdir”, - deyə Medvedev vurğulayıb.
Daşqın HəsənovMissiya.Az
