“Xorəzm və Qaraqalpaqıstanda turizm vahid konsepsiya əsasında inkişaf etdiriləcək. Xorəzm-Qaraqalpaqstan turizm dairəsi üçün layihə hazırlanacaq, əsas yolların inkişafı proqramı planlaşdırılır, Urgənç-Gürlən-Mangit yolu tam təmir olunacaq”.
Hafta.az-ın yazdığına görə, bu barədə Özbəkistan prezidenti Şavkat Mirziyoyev “Arda Xiva” turizm mərkəzinin açılışında bildirib.
“Uca Allah Amudəryanın hər iki sahilində yaşayan Xorəzm və Qaraqalpaqıstan sakinlərinə ortaq tale bəxş edib. Bu iki qonşu rayonun tarixini, mədəniyyətini, adət-ənənələrini bir-birindən ayrı təsəvvür etmək olmaz”, - dövlət başçısı deyib.
Xivədən 80 kilometr məsafədə Ayaz-qala və Tüprək-qala tarixi abidələrinin cəmləndiyi Ellikqala rayonu yerləşir. Axçaqul gölü sahilində çimərlik turizmi üçün infrastruktur mövcuddur. Beruniyski rayonunda dini ziyarət turizmini inkişaf etdirəcək “Sultan Uvays” ibadətgahı mövcuddur.
"Biz bu əraziləri birləşdirən yolların və yolkənarı infrastrukturun inkişafı üçün böyük proqramın həyata keçirilməsinə başlayacağıq. Bundan başqa, Ürgənç-Gürlən-Mangit yolu tamamilə yenidən qurulacaq" deyən Şavkat Mirziyoyev Xivəyə dəmir yolu çəkildiyini, yeni dəmir yolu stansiyasının tikildiyini, Buxara-Urgənç-Xivə dəmir yolunun elektrikləşdirildiyini xatırladıb. "Cəlaləddin Mənquberdi" sürət qatarının 2026-cı ildə istifadəyə veriləcəyini bildirən prezident yaxın vaxtlarda bu qatarın Nukusa hərəkət edəcəyinin anonsunu edib.
O, Xorəzmdə turizmin inkişafından danışaraq bildirib ki, Xivədə rayonundakı 2400 hektar ərazi Xivə şəhərinin balansına veriləcək. Burada “Səhranın ulduzu” turizm kompleksi yaradılacaq: otellər, əyləncə mərkəzləri, qastronomik və ticarət küçələri, muzeylər, eko-evlər, yay düşərgəsi, ekstremal turizm obyektləri tikiləcək.
Tüprək-qala rayonunda 5 min hektar səhra ərazisində safari və ov turizmi inkişaf etdiriləcək. Urgənç, Şavat, Köşküpür, Xivə və Xəzərəspdən axan Qazavat, Pəlvan, Şavat kanallarının sahillərində ümumi dəyəri 50 milyon dollar olan 80 xidmət, ticarət və əyləncə obyekti fəaliyyətə başlayacaq. Baqat, Gürlən, Yenibazar və Urgənç rayonlarında turist kəndləri yaradılacaq.
Bu arada, Urgənçdə Məmun Akademiyasının yanında yerləşən 2 hektarlıq bağ “Böyük mütəfəkkirlər” adlı açıq səma altında ağıllı muzeyə çevriləcək.
"Bu gün dünyadakı mövcud çətin vəziyyətə baxmayaraq, Özbəkistan öz yolu ilə inamla gedir. Xalqımız sülh və firavanlıq, dostluq və əməkdaşlıq şəraitində, quruculuq ruhunda yaşayır. Bizim bütün məqsəd və planlarımız, hər bir islahatımız insanların həyatını yaxşılaşdırmağa yönəlib və bu işi ardıcıl şəkildə davam etdirəcəyik", - deyə Şavkat Mirziyoyev əlavə edib.
O, əmin olduğunu bildirib ki, fədakarlıqla çalışmaqla xalq Xorəzmi və Qaraqalpaqıstanı dünyanın ən gözəl və abad rayonlarından birinə çevirəcək, burada elm və innovasiya, mədəniyyət və incəsənəti inkişaf etdirəcək.
Sonda xatırladaq ki, Arda Xivə (Əbədi Xivə) turizm kompleksi Qauqqul gölünün sahilində 25 hektar ərazidə tikilib. Burada otellər, sənətkarlıq emalatxanaları, restoranlar, şərq bazarı və digər obyektləri fəaliyyət göstərir.
