.jpg)
Bu fikirləri siyasi şərhçi Oqtay Qasımov Olaylar.az-a açıqlamasında bildirib:
"Uzun müddət Ermənistanın Zəngəzur dəhlizinin açılmasına mane olan ölkələrdən biri İran idi. Lakin nəzərə almaq lazımdır ki, Azərbaycan hər iki dəhlizin - həm Araz, həm də Zəngəzur dəhlizlərinin - işlək vəziyyətə gətirilməsində maraqlıdır.
Bu, Azərbaycanın nəqliyyat və daşımalarla bağlı siyasətini şaxələndirmək baxımından vacibdir. Şaxələndirmə riskləri azaldır. Bəzi ölkələr, xüsusilə ABŞ, bu cür əlaqələrin İran üzərindən qurulmasını istəmir. Amma bu o demək deyil ki, başqalarının istəmədiyi bir məsələ reallaşmamalıdır. Əgər İran öz maraqlarını təmin etmək istəyirsə, Araz Dəhlizi boyunca ona düşən işləri vaxtında və keyfiyyətlə yerinə yetirməlidir.
Bu məsələ İranın göstərəcəyi siyasi iradədən asılı olacaq. Araz Dəhlizi işə düşərsə, İran həm siyasi, həm də iqtisadi baxımdan bundan ciddi dividendlər əldə edə bilər".
Zeynəb Rzayeva
