ABŞ administrasiyası qeyri-qanuni mühacirlərin deportasiyası üçün bir sıra ölkələrlə danışıqlar aparır.
Vətəninfo.az xəbər verir ki, bu barədə Ağ Evdə jurnalistlərə sərhəd təhlükəsizliyi və deportasiyaya cavabdeh olan Tomas Homan bildirib.
“Bir çox ölkələr öz ölkələri tərəfindən qəbul edilməyən qeyri-qanuni miqrantları qəbul etməyə hazırdır, ona görə də biz onları qəbul edəcək üçüncü təhlükəsiz ölkə tapacağıq”. “Deməli, bəli, danışıqlar davam edir”, – Homan qeyd edib.
Fevral ayında San Salvador ABŞ-da müxtəlif cinayətlərə görə məhkum olunmuş şəxslərin saxlanması üçün Vaşinqtona pul ödəməyi təklif edib. Martın 16-da ABŞ Venesuela cinayətkar dəstələrinin Tren de Araqua və Mara Salvatruçanın 261 üzvünü Salvadora ekstradisiya edib.
