Karlo Ançelottinin Braziliya millisi ilə mümkün müqaviləsinin şərtləri açıqlanıb.
Yeniavaz.com xəbər verir ki, bu barədə “Globo” nəşri məlumat yayıb.
Məlumata görə, Karlo Ançelotti ilə Braziliya Futbol Konfederasiyası (CBF) arasında ilkin müqaviləyə 4 milyon real (625 000 avro) aylıq maaşdan əlavə, Braziliya millisinin 2026-cı il dünya çempionatının qalibi olacağı təqdirdə 5 milyon avro mükafat da daxildir.
Müqavilədə, həmçinin məşqçini Avropaya aparmaq üçün şəxsi təyyarə də var.
İtaliyalı mütəxəssis 14 ay, yəni dünya çempionatının sonuna kimi komandaya rəhbərlik etməli olacaq.
Müqaviləyə Braziliya millisi ilə “Real Madrid” arasında yoldaşlıq oyununun təşkili də daxildir.