Rusiyada Xantı-Mansiysk dairəsində Federal Təhlükəsizlik Xidməti (FTX) əməkdaşları Sverdlovsk dəmir yolunda partlayış hazırlamaqda şübhəli bilinən yerli sakini yaxalayıb.
Bu barədə FTX-nin Tümen vilayəti üzrə mətbuat xidməti məlumat yayıb.
Müstəntiqlər hesab edirlər ki, şübhəli şəxs qadağan olunmuş Ukrayna təşkilatının ideyalarını dəstəkləyib və onun nümayəndəsi ilə "Telegram" vasitəsilə əlaqə saxlayıb. O, qatarları zədələmək üçün Sverdlovsk dəmir yoluna partlayıcı qurğu qoymalı idi, lakin onun bunu etməyə vaxtı olmayıb.
İndi ona qarşı terror aktına hazırlıq maddəsi ilə cinayət işi açılıb. O, artıq həbsdədir.
Qeyd edək ki, saxlanılan şəxs Nijnevartovsk vilayətində yaşayır.
