8 ÖLKƏ SÜKUTU POZDU - Neft bazarında sıçrayış olacaq

  Neft hasilatını könüllü olaraq məhdudlaşdırmağı öhdəsinə götürən səkkiz OPEC+ ölkəsi iyun ayında neft hasilatını gündəlik 411 min barel artıracaq.

"Referabs" xəbər verir ki, bu barədə qurumun mətbuat xidməti məlumat yayıb.

"Bu, üç aylıq artıma bərabərdir. Artımlar dəyişən bazar şəraitindən asılı olaraq dayandırıla və ya ləğv edilə bilər. Bu çeviklik qrupa neft bazarının sabitliyini dəstəkləməyə davam etməyə imkan verəcək", - bəyanatda deyilir.

OPEC+ bəyanatında qeyd edilib ki, bu, Səudiyyə Ərəbistanı, Rusiya, İraq, BƏƏ, Küveyt, Qazaxıstan, Əlcəzair və Omana aiddir.

Aprel ayında OPEC+ monitorinq komitəsi üzv ölkələrə neft hasilatının parametrlərini dəyişməməyi tövsiyə edib. İclasın yekunlarına əsasən, 2025-ci ilin yanvar və fevral aylarında OPEC+ ölkələrinin birgə razılaşdırılmış hasilat hədəflərinə əməl etdiyi bildirilib.