İranda yanğın yenidən alovlandı

  İranın Bəndər Abbas şəhərində limanda baş verən yanğın yenidən alovlanıb.

Referans xəbər verir ki, bunu Hörmüzqan əyalətinin qubernatoru yanında fövqəladə hallar idarəsinin rəisi Mehrdad Həsənzadə açıqlayıb.

Onun sözlərinə görə, bəzi konteynerlərdə olan bitum və kimyəvi maddələr limanın şərq hissəsində daha bir yanğına səbəb olub.

Qeyd edək ki, aprelin 26-da baş verən partlayış nəticəsində 28 nəfər ölüb, 1 205-dən çox insan yaralanıb./publika.az