Rusiya Dövlət Dumasının Beynəlxalq Əlaqələr Komitəsinin rəhbəri, LDPR lideri Leonid Slutski təklif edib ki, Rusiya və Ukrayna arasında danışıqların növbəti raundu hər iki tərəfin atəşkəs mexanizminin başa düşülməsinə həsr olunacaq.
Turkustan.az xəbər verir ki, Slutski bildirib ki: "Növbəti raund, güman edirəm ki, hər iki tərəfin atəşkəs mexanizminin başa düşülməsinə həsr olunacaq . Biz vəziyyətin və ya prosesin ortaq məxrəcə gəlib-gəlməyəcəyini proqnozlaşdırmayacağıq".
Bildirək ki, İstanbulda Rusiya və Ukrayna arasında danışıqlar aparılıb. Görüşdən sonra Moskva və Kiyev “1000-1000" düsturuna əsasən əsirləri dəyişdirmək, mümkün gələcək atəşkəs barədə öz baxışlarını təqdim etmək, onu ətraflı şəkildə şərh etmək və danışıqlar prosesini davam etdirmək barədə razılığa gəliblər. Rusiya nümayəndə heyətinin rəhbəri, prezidentin köməkçisi Vladimir Medinski bəyan edib ki, Rusiya tərəfi görüşün nəticələrindən razıdır. O, həmçinin bildirib ki, Ukrayna dövlət liderləri arasında birbaşa danışıqların aparılmasını xahiş edib və Rusiya bu xahişi nəzərə alıb.
Aytən Yaşar/ Turkustan.az
