Mərkəzi Bank “Azərbaycan Sənaye Bankı” ASC-yə icrası məcburi sərəncamın verilməsi barədə və “Bank Avrasiya” ASC-yə icrası məcburi sərəncamın verilməsi barədə məlumatlar yayıb.
Qeyd edilib ki, “Azərbaycan Sənaye Bankı” ASC tərəfindən “Banklarda korporativ idarəetmə Standartları”nın 4.8-ci bəndinin tələbinin pozulmasına görə “Banklar haqqında” Azərbaycan Respublikası Qanununun 47.1-ci maddəsinin tələbləri rəhbər tutularaq, Mərkəzi Bank tərəfindən “Azərbaycan Sənaye Bankı” ASC-yə müvafiq pozuntu hallarının gələcəkdə təkrarlanmaması üçün daxili prosedurların təkmilləşdirilməsi ilə bağlı icrası məcburi sərəncam verilmişdir.
“Bank Avrasiya” ASC tərəfindən “Banklarda korporativ idarəetmə Standartları”nın 4.8-ci bəndinin tələbinin pozulmasına görə “Banklar haqqında” Azərbaycan Respublikası Qanununun 47.1-ci maddəsinin tələbləri rəhbər tutularaq, Mərkəzi Bank tərəfindən “Bank Avrasiya” ASC-yə müvafiq pozuntunun qısa müddətdə aradan qaldırılması və qeyd olunan halların gələcəkdə təkrarlanmaması üçün daxili prosedurların təkmilləşdirilməsi ilə bağlı icrası məcburi sərəncam verilmişdir.
