Türkiyənin Antalya şəhərində güləş üzrə gənclər (U20) arasında keçirilən “Çempionlar” turnirində Azərbaycan komandası 6 medal qazanıb.
Yarışda Turan Daşdəmirov (55 kq) və Ayxan Cavadov (60 kq), Tural Əhmədov (63 kq) gümüş medal qazanıblar. Komandamızın digər üzvləri Vədat Qasımlı (60 kq) və İsmayıl Rzayev (97 kq), Elmin Əliyev (82 kq) bürünc medala sahib olublar.
Yığmamız 122 xalla komanda hesabında 2-ci yeri tutub. İran (128) 1-ci, Qırğızıstan (115) isə 3-cü olub. Xatırladaq ki, “Çempionlar” turnirində II dərəcəli beynəlxalq hakimlər Xəyal Əliyev və Kamran Baxışov ədaləti qoruyub.
L.AZAD
XQ
