ABŞ Konqresi borc tavanını qaldırmasa, ölkə avqust ayına qədər öz milli borcunu ödəmək təhlükəsi ilə üzləşə bilər.
“Report”un verdiyi məlumata görə, bu barədə ABŞ-nin maliyyə naziri Skot Bessentin qanunverici orqanın rəhbərlərinə göndərdiyi məktubda deyilir.
O, hökumətin avqust ayında nağd pulun tükənməsi ehtimalının ağlabatan olduğunu söyləyib. Nazir hesab edir ki, Konqres tətilə çıxamamışdan qabaq ABŞ-nin tam inamını və kreditini qorumaq üçün qanunvericilər iyulun ortalarına qədər borc limitini artırmalıdır.
Söhbət ondan gedir ki, avqust ayına qədər ölkənin 36,2 trilyon dolları keçən borcunu ödəmək üçün pulu tükənəcək.
