"Napoli"nin baş məşqçisi Antonio Konte bu mövsüm başa çatdıqdan sonra "Yuventus"u çalışdıra bilər.
90deqiqe.Az-ın “Tuttomercato”ya istinadən verdiyi məlumata görə, italyan mütəxəssis Neapol klubunun transfer siyasətindən narazıdır, ona görə də Konte yayda komandanı tərk edib Turinin “Yuventus”una qayıda bilər.
Konte artıq 2011-2014-cü illərdə “qoca sinyora” ilə çalışıb. Qeyd edək ki, “Yuventus”un keçmiş baş məşqçisi Massimiliano Alleqri Kontenin əvəzinə “Napoli”nin yeni baş məşqçisi ola bilər.
Xatırladaq ki, hazırda Antonio Kontenin başçılıq etdiyi Neapolitan klubu İtaliya çempionatının turnir cədvəlinə başçılıq edir. “Napoli” növbəti pillədə qərarlaşan “İnter”i üç xal qabaqlayır.
