Bu gün Vatikanın Müqəddəs Pyotr Meydanında minlərlə insan yeni Roma Papasının seçilməsi xəbərini böyük sevinclə qarşılayıb.
Musavat.com xəbər verir ki, ağ tüstü bacadan yüksəldikdən sonra, meydanda toplaşan kütlə sanki bir anda coşdu – insanların səsi ucaldı, alqışlar başladı və kilsənin zəngləri səsləndi.
Sky News telekanalının Vatikan meydanında olan müxbiri bildirib ki, “insanlar bir qədər təəccübləndi, çünki tüstünün axşam saatlarında çıxacağı gözlənilirdi.” Ancaq tüstünün gözləniləndən tez görünməsi izdihamın ani və emosional reaksiya verməsinə səbəb oldu.
Hələlik yeni seçilmiş pontifikin – Roma Papasının adı açıqlanmayıb. Lakin bu tarixi anın görüntüləri artıq sosial şəbəkələrdə yayılmağa başlayıb. Xüsusilə Sky News və Vatikan jurnalisti Salvatore Cernuzio tərəfindən paylaşılan videolar böyük maraq doğurur.
Musavat.com məsələni izləməkdə davam edir. Yeni Papa – Katolik dünyasının ruhani lideri – bir neçə dəqiqə ərzində rəsmi olaraq elan ediləcək.
Musavat.com
