Üçüncü şəxslərin xeyrinə əmanət hesabı açılacaqsa, xeyrinə hesab açılan şəxsin eyniləşdirilməsi üçün məlumatlar tələb olunur.
Heftelik.az-ın məlumatına görə, bu, Bank hesablarının açılması, aparılması və bağlanması Qaydasında əksini tapıb.
Hüquqi şəxslər üçün adı və dövlət reyestrindən çıxarışın məlumatları təqdim edilməlidir. Fiziki şəxslər üçün isə adı, atasının adı və şəxsiyyət vəsiqəsinin surəti tələb olunur. Hesab açan şəxsin şəxsiyyətini təsdiq edən sənəd də təqdim edilməlidir. Bankda saxlanılmaq üzrə sənədin surəti çıxarılaraq geri qaytarılır. Əmanətçi hüquqları haqqında məlumat verilərsə, əlavə sənədlər tələb oluna bilər.
