Mikel Arteta "PSJ" ilə cavab yarımfinal oyunundan öncə hisslərini bölüşüb.
Sportinfo.az xəbər verir ki, Londonda keçirilən ilk oyunda "Arsenal" 0:1 hesabı ilə məğlub olmuşdu.
Cavab oyunu 7 may tarixində keçiriləcək.
"Heyrət, dəridə üşütmə, həmin günün tezliklə gəlməsini arzulamaq, özünü hazır hiss etmək, Çempionlar Liqası finalında oynamaq imkanının olduğunu bilmək.
Bu mərhələyə gəlib çatdıqdan sonra, bunun üçün həyatını ortaya qoymalısan", – deyə "Arsenal"ın baş məşqçisi bildirib.
Arteta zədələnmiş futbolçular barədə də danışıb:
"Tuneldən keçərkən zədəli futbolçularımı gördüm. Bunların hamısı əsas heyət oyunçularıdır!
Buna baxmayaraq, komandanın necə mübarizə apardığını görürəm və bu mənə yenidən dəridə üşütmə hissi verir.
Səylərimizə görə yüksək qiymətə layiqik, sadəcə çox, çox kiçik detallar nəticəni bizim xeyrimizə çevirmədi. Məhz buna görə də mən çox optimistəm", – deyə ispan mütəxəssis əlavə edib.
