Yeni bir araşdırma mikroplastik çirklənmənin təkcə səthdə olmadığını, həm də okeanın bütün təbəqələrinə, o cümlədən Marian çökəkliyi kimi ən dərin bölgələrə yayıldığını ortaya qoyub.Dörd qitənin alimlərinin iştirak etdiyi araşdırmada 2014-2024-cü illər arasında okeanların 1885 fərqli nöqtəsindən nümunələr toplanıb.Tapıntılar göstərir ki, mikroplastiklər təkcə səthdə deyil, həm də okeanın bütün dərinliklərinə yayılır.Alimlər Sakit Okeanın Marian çökəkliyində təxminən 6700 metr dərinlikdə hər kubmetrdə 13500 mikroplastik hissəcik aşkar ediblər. Bu, indiyə qədər sənədləşdirilmiş ən dərin mikroplastik çirklənmədir.Yaponiya Dəniz-Yer Elmləri və Texnologiyaları Agentliyinin tədqiqatçısı Şiye Çao mikroplastiklərin kiçik ölçülərinə görə su sütununda uzun müddət asılı vəziyyətdə qaldığını və dəniz həyatı üçün daha böyük risk yaratdığını söyləyib.Daha böyük plastik parçaları dibə çökərkən, mikroplastiklər okean canlıları ilə daha tez-tez təmasda olur.Araşdırmalara görə, mikroplastiklər təkcə çirklənmə mənbəyi deyil, həm də okeanın təbii karbon dövrəsində iştirak edirlər. Bu, onların atmosfer və okean arasındakı tarazlığa təsir göstərə biləcəyini göstərir."Nature" elmi jurnalında dərc olunan araşdırmada "Okeandakı mikroplastiklər çox vaxt geri dönməzdir və zamanla davam edir" ifadələri yer alıb.2020-ci ildə aparılan başqa bir araşdırma Atlantik okeanında əvvəllər təxmin ediləndən 10 dəfə çox plastik çirklənmə olduğunu ortaya qoyub.Mikroplastiklər təkcə ekoloji problem deyil, artan ictimai sağlamlıq təhlükəsidir. Çinin Zhejiang Kənd Təsərrüfatı və Meşəçilik Universiteti tərəfindən aparılan araşdırmada insan orqanlarında mikroplastiklərin aşkar edildiyi, uşaqlıq boynu xərçəngi və lezyon kimi sağlamlıq problemlərinə bağlı ola biləcəyi ifadə edilib.Tədqiqatçılar vurğulayıblar ki, müxtəlif növ plastiklər insan toxumalarında olur və bu, sağlamlıq üçün narahatlıq yaradır. Bununla belə, aydın səbəb-nəticə əlaqəsinin qurulması üçün daha çox araşdırmaya ehtiyac olduğu bildirilib.
