“Liverpul” klubunun müdafiəçisi Trent Aleksander-Arnold komandanı tərk etdiyini açıqlayıb.
Publika.az xəbər verir ki, bu barədə futbolçunun özü sosial şəbəkədə məlumat verib.
İnsayder Fabrizio Romanonun məlumatına görə, 26 yaşlı müdafiəçi karyerasını “Real”da davam etdirəcək. O, 5 illik müqaviləyə imza atacaq.
“Real” hazırda onun iyunun 15-dən iyulun 13-dək ABŞ-da keçiriləcək klublararası dünya çempionatında iştirak etməsi üçün “Liverpul”la danışıqlar aparır. Çünki İngiltərə millisinin üzvünün “qırmızılar”la müqaviləsi iyunun 30-da başa çatacaq.
