Almaniyanın yeni hökumətində dövlət naziri və federal hökumətin miqrasiya, qaçqınlar və inteqrasiya üzrə komissarı postunu Sosial Demokrat Partiyasının (SPD) nümayəndəsi rus əsilli Natali Pavlik tutacaq.
NOCOMMENT.az xəbər verir ki, bu barədə partiyanın rəsmi saytında dərc olunmuş məlumatda bildirilir.
Pavlik Tümen vilayətinin Vostok kəndində anadan olub. 1999-cu ildə onun ailəsi repatriasiya proqramı çərçivəsində Almaniyaya köçdü. 2021-ci ildən Hessen əyalətinin Vetterau I seçki dairəsi üzrə Bundestaqın deputatıdır.
2022-ci ildə Pavlik Federal Hökumətin Repatriatlar və Milli Azlıqlar üzrə Komissarı oldu.
Bundan əvvəl məlum olub ki, Boris Pistorius Almaniyanın yeni hökumətində müdafiə naziri postunda qalacaq. Qeyd olunur ki, SPD, Xristian Demokrat İttifaqı kimi hökumətdə yeddi nazir portfelini alacaq.
