"Heydər Əliyev Azərbaycan SSRİ-nin rəhbəri kimi ölkəmizin gələcək müstəqilliyinin əsaslarını formalaşdırıb. Onun böyük siyasi-ideoloji fəaliyyəti xüsusi qeyd edilməlidir".
Bakıvaxtı.az xəbər verir ki, bu sözləri "Ulu Öndər Heydər Əliyevin siyasi irsi: qüdrətli dövlətin əsaları" adlı konfransda çıxışı zamanı YAP sədrinin müavini - Mərkəzi Aparatın rəhbəri Tahir Budaqov bildirib.
T.Budaqov xatırladıb ki, ölkədə xaos və anarxiyanın hökm sürdüyü zamanda Ulu Öndər xalqın çağırışı ilə Bakıya qayıtdı:
"Heydər Əliyev Azərbaycanı ciddi siyasi və iqtisadi problemlərdən xilas etmişdir. Ardıcıl sosial-hüquqi islahatların reallaşdırılması, müstəqillik dövrünün ilk Konstitusiyasının qəbul edilməsi onun uğurlu siyasi kursunun nəticəsi idi".
Əli Hüseynov
