Əməliyyat icazəsi müəyyən edilmiş tarixlərdə həyata keçiriləcək PUAS əməliyyatları üçün verilə bilər.
Heftelik.az-ın məlumatına görə, bu, “Mülki pilotsuz uçuş aparatlarının istismarı, qeydiyyata alınması və kateqoriyalara bölünməsi Qaydaları”nda əksini tapıb.
İstismarçı, icazə üçün müvafiq sənədləri təqdim etməlidir. Bunlara istismarçının adı, ünvanı, əlaqə nömrələri, və hüquqi şəxs olduğu halda qeydiyyat haqqında dövlət reyestrindən çıxarış daxildir. Fiziki şəxs olduqda isə şəxsiyyət vəsiqəsinin surəti və şəxsiyyətini təsdiqləyən digər sənəd təqdim olunmalıdır. İstismarçı həmçinin PUA uçuşlarının idarə edilməsini və əlaqələndirilməsini təsdiq edən arayış təqdim etməlidir. Risklərin qiymətləndirilməsi sənədi, əməliyyatın məqsədi, iştirakçıları, istifadə ediləcək PUA-ların nömrələri və coğrafi zonası barədə məlumatlar da əlavə edilməlidir. Əməliyyatın yerinə yetirilməsi zamanı yarana biləcək risklər və bu risklərin azaldılması üçün tədbirlər də bu sənədlərə daxil edilməlidir. Agentlik, təqdim edilən məlumatları 15 iş günü ərzində nəzərdən keçirir və əməliyyat icazəsi haqqında qərar qəbul edir. Əməliyyat icazəsi, icazənin şərtləri ilə bağlı tələblər və məhdudiyyətlərə uyğun olaraq verilə bilər.
