Bolqarıstanda keçiriləcək Prezident kubokunda 15 taekvandoçu iştirak edəcək.
Böyüklərdən ibarət milli komandanın baş məşqçisi Məmməd Abdullayev, komandanın böyük məşqçisi Elnur Amanov və məşqçi Günay Zeynalovanın rəhbərliyi altında milli komandamızın üzvləri Türkiyəyə yola düşüb.
Operativ Media xəbər verir ki, təmsilçilərimiz 4-16 may tarixlərində Türkiyənin Çanaqqala şəhərində Türkiyə yığma komandası ilə birliktə təlim-məşq toplanışında iştirak edəcək.
Təlim-məşqin ardından taekvondoçularımız 16 may tarixində Prezident Kubokunda iştirak etmək üçün Bolqarıstanın Sofiya şəhərinə yola düşəcək.
Yarışda ölkəmizi 15 idmançı (11 kişi, 4 qadın) təmsil edəcək.
