Müqəddəs Taxt-Tacın Kardinallar Kollegiyası bütün katoliklərdən yeni - 267-ci Roma Papasının seçilməsi zamanı müqəddəs ruhun səsini eşidə bilsinlər deyə onlar üçün dua etmələrini xahiş edib.
Publik.az xəbər verir ki, bu barədə Müqəddəs Taxt-Tacın bəyanatında bildirilib.
Yaxınlaşan konklav üçün hazırlıq işləri görən kardinalların Roma şəhərində toplaşaraq bütün imanlılardan dua istədikləri bildirilib.
Yeni Papanın seçilməsi üçün konklav mayın 7-də başlayacaq. Bu qərar təxminən 180 kardinal tərəfindən qəbul edilib. Konklav Vatikanın Sikstin Kapellasında keçiriləcək və həmin günlərdə kapella ziyarətçilər üçün bağlı olacaq.
Konklav zamanı nə baş verir?
Konklavdan əvvəl kardinal-seçicilərin iştirak edəcəyi “Papanın seçilməsi üçün” adlanan müqəddəs ayin keçiriləcək. Günün ikinci yarısında kardinal-seçicilər təntənəli yürüşlə Sikstin Kapellasına gedəcəklər və burada yeni Papanı seçmək üçün konklav başlayacaq. Sikstin Kapellasına daxil olduqdan sonra hər bir kardinal-seçici and içəcək. Bu and vasitəsilə hər bir kardinal-seçici, əgər seçilərsə, kilsənin ümumdünya pastoru olaraq peter vəzifəsini sadiqliklə yerinə yetirəcəyinə söz verir. Kardinallar, həmçinin seçkiyə dair bütün məlumatların tam gizli saxlanılacağına və seçkiyə xarici müdaxilə cəhdlərinə qarşı çıxacaqlarına and içirlər. Sonra kardinal-seçicilər dua edirlər. Seçki prosesi Vatikan Apostol Sarayındakı Sikstin Kapellasında aparılır və seçki başa çatana qədər kapella tamamilə bağlı qalır. Seçki prosesi boyunca kardinal-seçicilər məktub göndərməkdən və ya fövqəladə zərurət istisna olmaqla, telefon danışıqları da daxil olmaqla bütün söhbətlərdən çəkinməlidirlər. Onlar heç bir mesaj göndərə və ya qəbul edə, heç bir qəzet və ya jurnal ala bilməz, radio və ya televiziya verilişlərini izləyə bilməzlər.
Papanın seçilməsi üçün neçə səs lazımdır?
