Sənaye və digər təyinatlı torpaqların ayrılması prosesi yerli icra hakimiyyəti orqanları və bələdiyyələr tərəfindən həyata keçirilir.
Heftelik.az-ın məlumatına görə, bu, “Sənaye, nəqliyyat, rabitə və digər təyinatlı torpaqların istifadəsi Qaydaları”nda əksini tapıb.
Sifarişçi, torpaq sahəsi ayrılmadan əvvəl layihəqabağı araşdırmalar aparmalı və obyektin əsas texniki parametrlərini müəyyən etməlidir. Torpaq sahəsinin ayrılması ilə bağlı sifarişçi tərəfindən vəsatət hazırlanır və müvafiq qərarlar 30 gün ərzində qəbul edilir. Ayrılmış torpaqlardan istifadənin səmərəli olması üçün layihəqabağı araşdırmalar tələb olunur. Bu araşdırmalarla, sahənin su, enerji və nəqliyyat tələbləri də nəzərə alınır. Torpaq sahəsinin istifadəsi daha əlverişli olması üçün, məsələn, tullantıların təmizlənməsi üçün suburaxma qurğuları da nəzərdə tutulmalıdır. Ayrılmış torpaq sahələri tikiləcək obyektin texnoloji və iqtisadi göstəriciləri ilə uyğunlaşdırılmalıdır. Sənaye obyektlərinin yerləşdirilməsi üçün ərazinin təsdiq edilmiş planlarına uyğun hərəkət edilir.
