ABŞ Polşaya 1,33 milyard dollarlıq raketlərinin satışını təsdiqləyib

ABŞ Dövlət Departamenti Polşaya 1,33 milyard dollarlıq “hava – hava” raketlərinin satışını təsdiqləyib.

İndex.az xəbər verir ki, bu barədə Pentaqonun Təhlükəsizlik Sahəsində Əməkdaşlıq Agentliyi məlumat yayıb.

“Dövlət Departamenti Polşaya orta mənzilli AIM-120D “hava – hava” raketlərinin, müvafiq logistika elementlərinin və dəstək vasitələrinin mümkün satışını təsdiqləyib”, – məlumatda qeyd olunub.

Bildirilib ki, Polşa hökuməti 400 raket və müvafiq avadanlıq tələb edib.