"Rusiya kosmosda nüvə silahının yerləşdirilməsi imkanını nəzərdən keçirir..."
Rusiya kosmik peyklərə qarşı nüvə silahı istifadə edə bilər. NATO üzrə nüttəfiqlər kosmosda yeni çağırışlara hazır olmalıdır.
Moderator.az xəbər verir ki, bu barədə NATO-nun baş katibi Mark Rütte "Welt am Sonntag" həftəlik jurnalına verdiyi müsahibədə deyib. Məlumatı "dw.com" nəşri yayıb.
Rütte qeyd edib ki, NATO gələcəkdə Rusiyanın kosmosda müharibə aparacağını və bu zaman peyklərə qarşı nüvə silahı istifadə edə biləcəyindən narahatdır. "Bizə məlumdur ki, Rusiya kosmosda nüvə silahlarının yerləşdirilməsi imkanını nəzərdən keçirir".
Rütte Moskvanın kosmosdakı mövcud imkanlarının indiki vaxtda köhnəldiyini və Qərbin səviyyəsinə uyğun olmadığını qeyd edib. "Məhz buna görə də kosmosda nüvə silahlarının inkişafı Rusiya üçün potensialını artırmaq məqsədi daşıyır. Bu, ciddi narahatlıq doğurur və 1967-ci il Kosmos müqaviləsinin pozulması demək olardı", - NATO-nun baş katibi bildirib.
Kosmosdakı yeni çağırışlar
Mark Rütte NATO ölkələrinin kosmosda yeni çağırışlara hazırlıq gördüklərini, kəşfiyyat məlumatı mübadiləsi apardıqlarını, milli kosmik komandanlıqlar qurduqlarını və daha kiçik, manevr qabiliyyətinə malik və qorunan peyklər hazırladıqlarını bildirib. O, kosmosun NATO-nun deterrensiya və müdafiə üçün çox əhəmiyyətli olduğunu vurğulayıb.
"Son illərdə kosmos daha sıx, təhlükəli və proqnozlaşdırıla bilməyən hala gəlib. Biz bilirik ki, kosmosdakı rəqabət getdikcə güclənir və bu yalnız kommersiya sahəsində deyil. Bu, bizim ümumi təhlükəsizliyimizi təsir edir", -
Şimali Atlantika Alyansının rəhbəri qeyd edib.
Rütte həmçinin ilk dəfə olaraq Arktikanın peyk vasitəsilə izlənilməsinin genişləndirildiyini açıqlayıb. "Biz görürük ki, Çin və Rusiya getdikcə daha çox yeni dəniz yollarından istifadə edir və Arktikanın bəzi hissələrini hərbi cəhətdən militarizə edir. Peyklər bizə quruda və dənizdə hərəkətləri izləməyə kömək edə bilər və eyni zamanda qüvvələrimiz üçün etibarlı və qorunan rabitə təmin edər", - o, əlavə edib.
