PKK terror təşkilatı özünü buraxdığını (ləğv etdiyini) açıqlayıb.
Marja.az Türkiyə mətbuatına istinadən xəbər verir ki, 1984-cü ildə yaradılan "qruplaşma" (terror təşkilatı PKK) qurultaydan bir gün sonra özünü ləğv etdiyini, silahları yerə qoyduğunu açıqlayıb.
Beləliklə, Terrorsuz Türkiyəyə doğru yeni bir addım atılıb.
PKK terror təşkilatının lideri Abdullah Öcalanın "silahlarınızı yerə qoyun" çağırışından sonra təşkilat bir gün əvvəl qurultayını topladığını açıqlamışdı. Bu gün terror təşkilatı PKK ləğvetmə qərarını açıqlayıb.
