BAKI, TurkicWorld
Bayraktar TB3 Pilotsuz Uçuş Aparatı (PUA) Türkiyə Silahlı Qüvvələrinin ən böyük dəniz təlimlərindən biri olan DENİZKURDU-2025 çərçivəsində, uçuş sınaqlarını uğurla davam etdirir.
TurkicWorld xəbər verir ki, bu barədə Baykar şirkəti məlumat verib.
Məlumata görə, Keşandan havalanan PT-3 və PT-4 prototip nömrəli iki Bayraktar TB3 SİHA TCG Anadolu gəmisinə uğurla yerləşdirildi.
Gəmidə sursat yükləmə testləri keçirildi və PUA-lar ardıcıl şəkildə tam avtonom uçuş və eniş həyata keçirdi.
Bütün yüksəliş və enişlər Baykar tərəfindən hazırlanan süni intellekt dəstəkli missiya alqoritmləri ilə həyata keçirildi.
Məlumat üçün bildirək ki, PT-3 və PT-4 nömrəli Bayraktar TB3-lər hər biri iki ədəd MAM-L (Miniatur Aviasiya Bombası) daşıyaraq, quru hədəflərinə salvo atəşi açacaq.
