Zabit Səmədov Döyüş Məktəbi tərəfindən Ümummilli Lider Heydər Əliyevin anadan olmasının 102-ci ildönümü münasibətilə boks turniri təşkil olunub.
Operativ Media xəbər verir ki, turnir Heydər Əliyev İdman Kompleksində baş tutub və klublararası dostluq xarakteri daşıyıb. Yarışda müxtəlif yaş qrupları üzrə yeniyetmələr və gənclər qüvvələrini sınayıblar.
Turniri izləyənlər arasında məktəbin təsisçisi Zabit Səmədov və Gənclər və İdman naziri Fərid Qayıbov da olub.
13 yaşlılar arasında keçirilən yarışın qalibi Avropa Azərbaycan Məktəbinin şagirdi Turan Nəbiyev olub. O, bütün rəqiblərinə qalib gələrək birinci yerə layiq görülüb.
Qaliblərə Ümummilli Lider Heydər Əliyevin fotosu əks olunmuş diplomlar və medallar təqdim olunub.
Qeyd edək ki, Turan Nəbiyev Milli Məclisin deputatı Rizvan Nəbiyevin oğludur.
