Almaniya 2-ci bundesliqasından əsas liqaya yüksələn ilk komanda müəyyənləşib.
QOL.az xəbər verir ki, bu, “Hamburq” olub. 33-cü turun matçında onlar evdə “Ulm 1846”ya 6:1 hesabı ilə qalib gələrək sona 1 tur qalmış Bundesliqada oynamaq hüququ qazanıblar.
“Hamburq” 33 turdan sonra 59 xalla liderdir. İkinci yeri 58 xalla “Köln”, üçüncü pilləni 55 xalla “Elversberq” tutur.
İlk iki yeri tutan komanda Bundesliqaya birbaşa vəsiqə əldə edir. 3-cü yer isə pley-off matçı oynayır.
Qeyd edək ki, “Hamburq”un yenidən əsas liqaya qayıtmasından sonra stadiona gələn minlərlə azarkeş meydana axışaraq qələbəni bayram ediblər.
