"Səbail" Misli premyer-liqasının evdə keçirilən 34-cü tur matçında "Zirə"yə uduzdu - 0:1.
"Football-plus.az" xəbər verir ki, "dənizçilər"in baş məşqçisi Elvin Məmmədov oyunsonrası mətbuat konfransında jurnalistlərin suallarını cavabladı.
- Bizi ağır oyunun gözlədiyini bilirdik. Allahın verdiyi şansdan yararlanmaq istəyirdik. Alınmadı. Yaxşı mübarizə apardıq. Futbolçularıma təşəkkür edirəm. İdman xoşbəxtliyi bizdən yan keçdi.
- 1-ci liqada çalışıb komandanı yenidən premyer-liqaya qaytarmaq istəyərsiz?
- Mənə şans verdiyinə görə rəhbərliyə təşəkkür edirəm. Əlimizdən gələni etməyə çalışdıq. Ancaq bu barədə danışmamışıq. Son ana qədər ümidliydik Təklif olsa, niyə də yox?
- Komandanın yüksək liqadan düşməsi baş məşqçiyə də ciddi psixoloji zərbə vurur...
- Futbolda eniş də var, yüksəliş də. Niyə zərbə olsun ki? Premyer-liqaya qayıtmaq mümkündü. Səhvimiz də var, düzümüz də. Hələ yeni başlamışıq. Hədəfimiz var. Məhz özümü nəzərdə tutmuram, amma gənc məşqçilərə də şans verilməlidi. Bəlkə kimsə özünü sübut edəcək?
KƏNAN BAHADIR
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
