İranın xarici işlər naziri ölkədə gizli nüvə obyektinin olması ilə bağlı xəbərləri təkzib edib
“İran və ABŞ arasında dolayı nüvə danışıqlarının bərpası ərəfəsində yeni, çox qorxulu peyk görüntüləri saat mexanizmi kimi yayılır”, – İranın xarici işlər naziri Əraqçi X hesabında yazıb.
O, həmçinin İsrailin baş nazirini Vaşinqton və Tehran arasında danışıqlara təxribat törətmək cəhdində ittiham edib: “Nətanyahu öz nüfuzuna zərbə vuraraq, özünü təxribatçı kimi ifşa edərək – “Trampın nəyi edə və edə bilməyəcəyini müəyyən etmək” proqramının bir hissəsi kimi, köhnə və yeni kuklaların köməyinə müraciət edir”.
Bundan əvvəl “Fox News” telekanalı İran müxalifətinə istinadla ölkənin şimalındakı Semnan əyalətində yerləşən İranın əvvəllər məlum olmayan nüvə obyektini əks etdirən peyk görüntülərini dərc edib. Bildirilib ki, onlar nüvə silahının təkmilləşdirilməsi üçün istifadə olunan radioaktiv izotop olan tritiumun çıxarılması ilə məşğul olurlar.
