ABŞ prezidenti Donald Tramp varlı vətəndaşlar üçün vergilərin 39,6%-ə qaldırılmasını təklif edib.
Bakıvaxtı.az xəbər verir ki, bu barədə "Bloomberg" mənbələrə istinadən məlumat yayıb.
Məlumata görə, dövlət başçısının təşəbbüsü ən azı 2,5 milyon dollar qazanan fiziki şəxslər və ya 5 milyon dollar qazanan evli cütlüklər üçün yeni vergi dərəcəsinin tətbiqini nəzərdə tutur.
Qeyd olunub ki, Amerika lideri planı barədə ABŞ Konqresinin Aşağı Palatasının spikeri Mayk Consonla telefon danışığı zamanı danışıb.
Bu təşəbbüsün həyata keçirilməsinin 10 il ərzində federal büdcəyə əlavə 67,3 milyard dollar cəlb edəcəyi gözlənilir.
Mina Mikayılova
