Heç kimə sirr deyil ki, Bakının bir çox rayonlarda küçə ticarətinin qarşısı alınıb. Amma buna baxmayaraq paytaxtın Yasamal və Nəsimi rayonlarında küçə ticarəti bu gün tüğyan edir.
Bu vəziyyətə isə küçə ticarətinin qarşısını almalı olan qurumlar göz yumurlar. Hansı ki, küçə ticarətinin qarşısının alınması ilə bağlı uzun illərdir məlum qərar qüvvədədir. Qərarın qüvvədə olmasına baxmayaraq, yenə adını çəkdiyimiz rayonların küçələrində alver davam edir. Nəsimi rayonunda " 20 yanvar" metrostansiyasının ətrafında və " Şamaxinka" deyilən yerdə tozun- torpağın içində hər cür kənd təsərrüfatı məhsulları satılır.
Bu qanun pozuntusuna isə Post- Patrul və Çevik Polis Alayının əməkdaşları laqeyd yanaşır və nöqsanları sanki təkan verirlər. Yasamal rayonu ərazisində vəziyyət daha açınacaqlıdır. Məsələn , Bəxtiyar Vahabzadə kücəsində kənd təsərrüfatı məhsullarının yola yığılmasına görə hərəkət etmək mümkün deyil. Yasamal rayonunda fəaliyyət göstərən Çevik Polis Alayı bölüyünün əməkdaşları isə öz vəzifə borclarını icra edib , onlara qarşı yetərincə mübarizə aparmır.Metronun " Elmlər akademiyası" stansiyasının yaxınlığından Elmlər Akademiyasına gedən yolda vəziyyəti lap bərbaddır.
Burda hər cür mer- meyvə və kənd təsərrüfatı məhsulları satılır. Bura küçədən çox bazara oxşayır. Ordakı görüntülərin şəklində çəkdik. Baxın , görün bura küçədir, yoxsa bazar?! Polis əməkdaşları isə bu anları çox soyuqanlı müşahidə edirdi. Təəssüf, min təəssüf! Bax , belə ! Bizdən deməkdir. Nöqsanları aradan qaldırmaq isə əlaqədar qurumların vəzifəsidir.Gözləyək görək bu işlərin axırı necə olur!
Emil Faiqoğlu
