“Həyat tərzinin dəyişdirilməsi xorultudan qurtulmağın ən əlçatan və təsirli yoludur”.
News24.az xəbər verir ki, bunu terapevt İrina Volgina deyib.
Terapevt qeyd edib ki, xoruldamanın müalicəsi onun baş vermə səbəbinin müəyyən edilməsi ilə başlamalıdır. Onun sözlərinə görə, burada bir çox amillər: burun çəpərinin əyriliyi, adenoidlər, iltihabi xəstəliklər, nazofarenksin, ağız-udlağın və qırtlağın bədxassəli və xoşxassəli şişləri ola bilər.
Həkim qeyd edib ki, bəzi patologiyalar yalnız cərrahi yolla düzəldilə bilər, bəziləri üçün isə xüsusi terapiya seçilir.
Volgina həyat tərzinin korreksiyasını ən əhəmiyyətli müalicə üsulu adlandırıb. O izah edib ki, xoruldama tez-tez artıq çəki səbəbindən baş verir, ona görə də pəhrizinizi tənzimləmək və fiziki aktiv olmaq vacibdir. O deyir ki, yuxu sahəsini düzgün təşkil etmək də kömək edə bilər.
O, ortopedik yastıq və döşək seçməyi məsləhət görüb. Bundan əlavə, xüsusi bir müalicə var – CPAP terapiyası, hava artan təzyiq altında verilir.
Mütəxəssis qeyd edib ki, müalicə olmadan xoruldama ürəyin işemik xəstəliyi, insult və maddələr mübadiləsinin pozulmasına səbəb ola bilər. Demans inkişaf riski də artır./Medianews.az
