Aİ diplomatik xidmətinin rəhbəri Kallas Avropa Komissiyasının (AK) Rusiyaya qarşı 17-ci sanksiyalar paketini qəbul etmək istədiyi tarixi açıqlayıb. Onun sözlərinə görə, bu, mayın 20-də Aİ Xarici İşlər Nazirliyi rəhbərlərinin görüşündə baş tutacaq.
Avropa Komissiyası (AK) mayın 20-də Rusiyaya qarşı 17-ci sanksiyalar paketini qəbul etmək niyyətindədir, bu barədə Aİ diplomatik xidmətinin rəhbəri Kaya Kallas Aİ XİN rəhbərlərinin Polşada keçirilən görüşünün yekunlarına dair mətbuat konfransında bildirib.
Sanksiya paketi hələ təsdiqlənməyib, ona görə də Kallas onun mümkün məzmununu jurnalistlərə açıqlamaqdan imtina edib. Eyni zamanda o, əlavə edib ki, Aİ Ukraynadakı münaqişənin tam həllindən sonra Rusiyaya qarşı sanksiyaları ləğv etmək fikrində deyil.
Bundan əvvəl KİV-lər 17-ci anti-Rusiya sanksiyalar paketinin Rusiyadan olan 60-a yaxın fiziki və şirkətin, habelə Rusiya neftini daşıyan 150 tankerin qara siyahıya düşəcəyi barədə məlumat vermişdilər. Eyni zamanda, Avropa rəsmiləri Aİ üzvləri arasında fikir ayrılıqlarını minimuma endirmək və paketi daha tez qəbul etmək üçün struktur iqtisadi və ticarət məhdudiyyətlərinə təsir etməmək qərarına gəliblər.
